2025 jyldyń 13–15 mamyr aralyǵynda Astanadaǵy Jaqsylyq Úshkempirov atyndaǵy Jekpe-jek saraıynda para dzıýdodan álem chempıonaty IBSA Judo World Championships Astana 2025 ótedi. Bul tórt jylda bir uıymdastyrylatyn jáne para dzıýdo salasyndaǵy eń bedeldi halyqaralyq doda, dep habarlaıdy Egemen.kz.
Halyqaralyq zaǵıptar sport federasııasynyń (IBSA) bastamasymen qolǵa alynǵan chempıonat 2028 jyly AQSh-tyń Los-Andjeles qalasynda ótetin Paralımpıada oıyndaryna irikteý aıasyndaǵy mańyzdy reıtıngtik týrnır sanalady.
QR Týrızm jáne sport mınıstrligi málim etkendeı, dodaǵa álemniń 40-tan astam elinen kelgen 350-ge jýyq myqty sportshy qatysady. Olardyń arasynda 15 Paralımpıada chempıony men júldegerleri bar.
Álem chempıonatynda el namysyn ulttyq quramanyń úzdik sportshylary qorǵaıdy. Atap aıtsaq, Aqmaral Naýatbek (48 kg), Erǵalı Shámeı (73 kg), Daıana Fedosova (70 kg) jáne Jurqamyrza Shúkirbekov (90 kg) syndy paralımpıadalyq júldegerler tatamıge shyǵady.
Sonymen qatar elordada ótetin beldesýlerge álemdik dzıýdonyń juldyzdary Brazılııalyq Alana Martıns Maldonado, Japonııalyq Iýjıto Shıro, Rýmynııalyq Florın Bologa, О́zbekstandyq Sherzod Namozov, Túrkııalyq Ibrahım Bólúkbashy qatysady.
Aıta keteıik, sońǵy úsh jylda Astanada dzıýdodan Grand Prix serııasynyń kezeńderi men 2023 jylǵy Azııa chempıonaty uıymdastyryldy. Osyndaı mańyzdy jarystardy ótkizý arqyly elimiz para dzıýdodan álem chempıonatyn qabyldaýǵa laıyqty ekenin kórsetti.О́zderińizge málim, Qazaqstan quramasy buǵan deıin de iri halyqaralyq arenalarda joǵary nátıje kórsetip júr. Atap aıtqanda:Tokıo Paralımpıadasynda (2020 jyl):Anýar Sarıev (60 kg) — kúmis medalTemirjan Daýlet (73 kg) — kúmis medalZarına Baıbatına (70 kg) — kúmis medalParıj Paralımpıadasynda (2024 jyl):Aqmaral Naýatbek (48 kg) — altyn medalErǵalı Shámeı (73 kg) — kúmis medalDaıana Fedosova (70 kg) — qola medalZarına Raıfova (70 kg) — qola medalJurqamyrza Shúkirbekov (90 kg) — qola medal jeńip alǵan.
Álem chempıonatynyń saltanatty ashylýy 13 mamyr saǵat 15:00-de ótedi. Kirý tegin.