TARAZ. 20 maýsym. Búgin oblys ákimi Kárim Kókirekbaev keshe Taraz qalasynyń ortalyǵynda órtke oranyp, 8 adam zardap shekken ákimshilik ǵımaratyna arnaıy bardy. Bul týraly Jambyl oblysy ákiminiń baspasóz qyzmeti habarlady.
О́ńir basshysy oblys ákimdiginiń basqarmalary men basqa da mekemeler ornalasqan ǵımaratty 2 kúnniń ishinde qalpyna keltirýdi tapsyrdy.
«Keshe tústen keıin atalǵan ǵımaratta elektr jelisiniń tuıyqtalýynan órt shyqty. Saldarynan 4 adam aýrýhanada jatyr. Qazir ǵana men qalalyq aýrýhanaǵa baryp olardyń hal-jaǵdaıyn suradym. Olardyń ómirine eshqandaı qaýip tónip turǵan joq, qajetti dári-dármektiń bári jetkilikti. Menińshe, 2 kúnniń ishinde ǵımaratty qalpyna keltirip, dúısenbiden bastap barlyq qyzmetkerler óz jumystaryna kirisetin bolady», – dedi Kárim Kókirekbaev.
Budan ózge, oblys basshysynyń tapsyrmasymen arnaıy komıssııa qurylyp, keshe shuǵyl jınalys ótkizildi. Qazir óńirdegi iri óndiris oryndary men kásipkerler qalpyna keltirýge jumyldyryldy.
Búgin tańerteń qalpyna keltirý jumystary bastalyp, qurylysqa 200 adam tartyldy. Úsh saǵattyń ishinde qyzyl jalyndy sóndirý úshin 350 adam men 75 tehnıka tartyldy. Keshe keıbir BAQ órt oblys ákimi apparatynyń ǵımaratynda tutandy dep jalǵan aqparat taratqan edi. Soǵan baılanysty oblys ákiminiń baspasóz qyzmeti órttiń óńir basshysy apparatynyń ǵımaratynda emes, Taraz qalasynyń ortalyǵynda ornalasqan ákimshilik ǵımaratta bolǵanyn habarlady.
Oralhan Dáýit.
Derek, sýret: Jambyl oblysy ákiminiń baspasóz qyzmeti.