Ulttyq statıstıka bıýrosy 2025 jyldyń I toqsanynda eńbek naryǵynda qalyptasqan jaǵdaıǵa qatysty sandyq derek usyndy. Sol statıtıstıkaǵa saı, respýblıka ekonomıkasynyń túrli salalarynda 9 283,5 myń adam jumyspen qamtylǵan, dep jazady Egemen.kz.
Onyń ishinde 7 141 myńy (ekonomıkada jumyspen qamtylǵandardyń jalpy sanynyń 76,9%) jaldamaly qyzmetker bolsa, óz betinshe jumyspen qamtylǵandar – 2 142,5 myń adam. 15 jáne odan joǵary jastaǵy halyqqa shaqqandaǵy jumyspen qamtý deńgeıi 64,4% qurap otyr.
О́tken jyldyń sáıkes kezeńimen salystyrǵanda jaldamaly qyzmetkerler esebinen jumyspen qamtylǵandar 116,2 myń adamǵa ósken.
Jumyspen qamtylǵandardyń 17% saýdada, bilim berý isinde - 13,4%, ónerkásip - 12,5% jáne aýyl sharýashylyǵy - 10,3% salalarynda baıqalǵan.Jumyspen qamtylǵan halyqtyń negizgi úlesi 35-44 jas aralyǵynda bolǵan. Bul jumyspen qamtylǵandardyń jalpy sanynyń - 28%. Jumyspen qamtylǵandardyń 40% - 29-34 jáne 45-54 jas sanattaryndaǵylar.Jaldamaly qyzmetkerlerdiń eń kóbi- Almaty qalasynda. Olardyń sany - 985,8 myń. Al óz betinshe jumyspen qamtylǵan qyzmetkerler Túrkistan jáne Almaty oblystarynda tirkelgen, tıisinshe 378,2 myń jáne 233,7 myń adamnan.