Atap aıtsaq, «Taza qala», «Taza aımaq», «Taza jaǵalaý», «Qalaǵa aǵash», «Móldir bulaq», Halyqaralyq qustar kúni, «Jer saǵaty» jáne basqa da aksııalar uıymdastyryldy, dep habarlaıdy Egemen.kz.
О́tkizilgen is-sharalardyń nátıjesinde 121 myń tonnadan astam qaldyq jınalyp, 584 myń gektarǵa jýyq aýmaq tazartyldy jáne 1,7 mıllıonnan astam aǵash kósheti otyrǵyzylǵan.
Is-sharalarǵa 1,4 mıllıonǵa jýyq adam qatysty, onyń ishinde 82 myń erikti bar. Sonymen qatar JOO men mektepterde ekosaǵattar aıasynda ekologııa departamentteriniń zerthanalaryna ekskýrsııalar men dárister ótkizilip, 5000-nan astam stýdent ekologııalyq monıtorıng quraldarymen tanysqan.
Sondaı-aq sý aıdyndaryn tazartý kezinde 342 balyq aýlaý tory jınaldy, 21 bulaq qalpyna keltirildi, mektep oqýshylary 1982 uıa (qus úıshigi) ornatty.
Esterińizge sala keteıik, 21–23 sáýir aralyǵynda Astanada Memleket basshysynyń qatysýymen «Taza Qazaqstan» ekofestıvali ótti. Kórme alańynda kelesideı jobalar tanystyryldy:
Qaldyqtardy qaıta óńdeý jáne kádege jaratý jobalary; Iri ónerkásiptik kompanııalardyń bastamalary (ERG, TShO, KPO, Qazahmys); Halyqaralyq jasyl tehnologııalar ortalyǵynyń qoldaýymen ekostartaptar; Mektep oqýshylarynyń ekologııalyq jobalary.Kórmeni 1500-den astam adam, sonyń ishinde elorda JOO-lary men kolledjderiniń stýdentteri tamashalady.
Aıta keteıik, «Taza Qazaqstan» bastamasy aıasynda halyqpen keri baılanys ornatý maqsatynda Telegram-da chat-bot jumys istep tur. Bul chat-bot arqyly árbir azamat lastanǵan aýmaqtyń fotosyn jáne geolokasııasyn joldaı alady. О́tinimder avtomatty túrde tıisti organdarǵa jiberilip, jedel túrde qarastyrylady.
Chat-bot iske qosylǵannan beri júıege 18322 ótinim kelip tústi, onyń 16907-si oryndalǵan. Chat-botty eń belsendi qoldanatyndar — Almaty men Astana qalalarynyń, sondaı-aq Túrkistan oblysynyń turǵyndary.