Elimizdegi kommýnaldyq-turmystyq kómir qajettiliginiń 40%-yn qamdap otyrǵan «Shubarkól kómir» AQ 2024–2025 jylytý maýsymyn tabysty aıaqtaǵanyn málimdedi. Kenshiler tutynýshylardan túsken tapsyrystardy túgel qamdap bergen. «Bul jylytý maýsymynda negizsiz qarbalastardan alshaq bolýǵa sep», deıdi Kómir dıvızıonynyń jetekshisi, «Shubarkól kómir» AQ bas dırektory Sergeı Kım.
«Shubarkól kómir» AQ qyryq jylǵa jýyq kómir óndirip, satyp keledi. Kalorııasy joǵary ári kúldiligi tómen bolǵandyqtan, Shubarkól kómiri tek el aýmaǵynda ǵana emes, shet elderde de joǵary suranysqa ıe.
Shubarkól kómiri TMD men alys shetelderge de eksporttalady. 2025 jyldyń sáýirinde kásiporyn rekordtyq mejeni baǵyndyryp, shet elderge 728 myń tonna kómir jetkizdi.
О́ndirilgen jalpy kómir kóleminiń tórtten biri el ishindegi kommýnaldyq-turmystyq qajettilikke baǵyttalady. О́nim elimizdiń tórt tarabyna túgel jóneltiledi. Jylytý maýsymynda (2024 jyldyń tamyzy men 2025 jyldyń sáýiri aralyǵynda) 2 656 974 tonna kómir jóneltildi. Bul – uıymshyl komandanyń jumyla atqarǵan jumysynyń jemisi. Ásirese taý-ken kólik, temirjol, taý-ken sehtarynyń jumysyn bóle-jaryp aıtýǵa bolady.
Sergeı Kımniń aıtýynsha, kompanııa memlekettik organdar, sonyń ishinde ákimdikter aldyndaǵy kómir jetkizilimderiniń turaqtylyǵyn qamtamasyz etý men kezek, qatty otyn tapshylyǵyn boldyrmaý mindetterin túgel oryndap shyqqan.
– Jylytý maýsymyn kómirdiń jetkilikti mólsherimen aıaqtaýymyzǵa baılanysty «Shubarkól kómir» AQ tutynýshylardan qajetti kómirdi aldyn ala satyp alýlaryn ótinedi. Bul qysta, dástúrli túrde suranys kúrt artqan tusta uzyn-sonar kezek pen kómir tapshylyǵyn boldyrmaýǵa septigin tıgizedi. Ákimdikterge erekshe ekpin túsirip, qajetti kómir kólemine tapsyrystardy ýaqtyly joldaýlaryn suraımyz. Bul qysta úzdiksiz jetkizilimderdi qamtamasyz etýge yqpal etedi, – dep atap aıtty Sergeı Kım.
«Shubarkól kómir» AQ turǵyndar men mekemelerge sapaly ónim jetkize otyryp, eldiń energetıkalyq qaýipsizdigin qamtamasyz etý isine súbeli úles qosyp keledi.