Mádenıet jáne aqparat mınıstrliginiń dereginshe, jumys isteıtin jastarǵa arnalǵan jalǵa beriletin turǵyn úı baǵdarlamasy qatysýshylarynyń 81%-y jeńildetilgen ıpotekaǵa ótinish bergen.
Memleket jaldamaly turǵyn úı baǵdarlama qatysýshylaryna tıimdi balama usynyp otyr – 17 óńirde «Otbasy bankimen» birlesip jastarǵa arnalǵan jeńildetilgen ıpotekalyq baǵdarlama iske qosyldy.
Bastapqy jarna – turǵyn úı qunynyń 10-20%-yn, jyldyq mólsherleme óńirge baılanysty 5-9%-dy quraıdy.
Búgingi tańda «Otbasy bank» AQ fılıaldaryna 2026 adam júgindi. Bul – jaldamaly turǵyn úı baǵdarlamasyna qatysýshylar jalpy sanynyń 81%-y. Nátıjesinde, 647 adamǵa nesıe berilgen. Qazir 321 adam baspana izdep jatyr. Qalǵan qatysýshylardyń da tólem qabilettiligi anyqtalmaq.