Memlekettik eńbek ınspektorlary respýblıkanyń 66 kásiporny 1,7 myńnan astam jumyskerge 672 mln teńgege jalaqy boıynsha bereshek ekenin jáne túrli uıymdardaǵy eńbek quqyǵy buzylýynyń 2,3 faktisin anyqtap, kásiporyndardyń basshylaryna oryndaýǵa mindetti 1 283 uıǵarym berilip, 152 mln teńgeden astam somaǵa aıyppul salynǵan. Bul – 1 mamyrdaǵy jaǵdaı boıynsha derekter, dep jazady Egemen.kz.
Jalaqy boıynsha bereshekti óteýdiń qatań kesteleri men merzimderin belgileýdiń nátıjesinde 1,3 jumyskerdiń quqyqtary qorǵalyp, olarǵa 355,3 mln teńge tólengen.
Eńbek jáne halyqty áleýmettik qorǵaý mınıstrliginiń málimetinshe 1 mamyrdaǵy jaǵdaı boıynsha memlekettik eńbek ınspektorlary 1 891 tekserý júrgizdi, onyń barysynda 2 338 buzýshylyq anyqtaldy, onyń ishinde: eńbek salasynda – 1 920; eńbek qaýipsizdigi jáne eńbekti qorǵaý boıynsha – 401; halyqty jumyspen qamtý boıynsha – 17.
Qabyldanǵan sharalardyń nátıjesinde 13,8 myń jumyskerdiń eńbek quqyǵy qorǵalǵan.