Qazaqstanda 2024 jyldyń alǵashqy toqsanynda bala týý deńgeıi sońǵy on jyldan astam ýaqyttaǵy eń tómengi kórsetkishke túsip, eldiń barlyq óńirinde aıtarlyqtaı tómendeý tirkeldi, dep habarlaıdy Egemen.kz.
Vedomsvtoda habarlaǵandaı, Qazaqstanda dúnıege kelgen balalar sany rekordtyq deńgeıde azaıǵan. Qańtar men naýryz aralyǵynda elde 77 300 balanyń dúnıege kelgeni tirkelgen. Bul 2024 jyldyń osy kezeńimen salystyrǵanda shamamen 16%-ǵa az jáne 2014 jyldyń birinshi toqsanynan bergi eń tómengi kórsetkish.
«Adam sanynyń ózgerisinen maýsymdyq erekshelikterdi kózben-aq baıqaýǵa bolady. Jyl saıyn eń joǵary kórsetkishter ádette úshinshi toqsannyń qorytyndysy boıynsha tirkeledi. Ásirese, maýsymdyq serpilister 2020 jáne 2021 jylǵy pandemııa kezinde aıqyn baıqaldy. Al eń tómen kórsetkishter, kerisinshe, jyldyń alǵashqy úsh aıynda boldy. Degenmen, bul kórsetkish toqsan saıyn qansha qubylǵanymen, sońǵy 11 jyl ishinde jańa týǵandar sany 90 myńnan tómen túsken emes», dep atap ótti analıtıkter.