ASTANA. 3 tamyz. AQSh-tyń Nıý-Meksıko shtatyndaǵy eki birdeı shirkeýde jarylys boldy. Las-Krýses qalasynda oryn alǵan tótenshe jaǵdaıdan zardap shekkender joq. Bul týraly vesti.ru habarlady.
Birinshi jarylys baptıster shirkeýinde boldy. Meksıkamen shekaradan 80 shaqyrym jerde tirkelgen jarylys minájat úıiniń qasyndaǵy poshta jáshigine salynǵan bomba saldarynan oryn aldy.
Arada jarty saǵat ýaqyt ótkende osy ǵıbadathanaǵa jaqyn jerdegi katolık shirkeýinde ekinshi jarylys tirkeldi. Polıseıler bul joly kúdiktilerdiń jarylǵysh zatty qoqys salatyn jáshikke jasyryp qoıýy múmkin ekenin aıtýda.
Eki shirkeýden de kelýshiler men qulshylyq qylýshylar qaýipsiz jerge kóshirildi. Apat ǵımarattarǵa asa kóp shyǵyn keltirgen joq. Qazirgi tańda tergeý amaldary júrgizilýde. Quqyq qorǵaý organynyń ókilderi jarylystardyń bir-birimen baılanysy bar dep sanaıdy.
Elaman Qońyr.
Derek: vesti.ru.
Sýret: EPA.