Aralas jekpe-jekten álemdegi eń beldi promoýshen – UFC 26 shildede Ábý-Dabıde dúbirli doda uıymdastyrýdy kózdep otyr. Sol jarysta Asý Almabaev (21-3) óner kórsetedi. Asa jeńil salmaqtaǵy qandasymyz naýryz aıynda portýgalııalyq Manel Kapeden tehnıkalyq nokaýtpen jeńilgen edi. Bul joly Asý О́zbekstannyń ókili Ramazan Temirovpen (19-3) aıqasady.
30 mamyr – 1 maýsym aralyǵynda Astanadaǵy «Arǵymaq» sport kesheninde at sportynyń konkýr túri boıynsha Eýrazııalyq lıga aıasyndaǵy Álem kýboginiń kezeńi jáne atpen mánerlep júrýden halyqaralyq týrnır uıymdastyrylady. Sol jarysta 60-tan asa memleketten kelgen sańlaqtar óz sheberlikterin pash etedi.
Qytaıdyń Nanchan qalasynda baıdarka men kanoe esýden Azııa chempıonaty óz máresine jetti. Jarysty otandastarymyz 12 júldemen qorytyndylady. Tarqatyp aıtsaq, Qaısar Nurmaǵambetov baptaǵan komanda túrli-tústi medaldardyń árqaısyn tórt-tórtten ıelendi. Jalpy esepte bizdiń eskekshiler Irannan ǵana qalyp qoıyp, ekinshi oryndy enshiledi.
Bolgarııanyń Pazardjık qalasynda qazirgi bessaıystan Álem kýbogi aıaqtaldy. Dýnaı ózeniniń jaǵalaýynda elimizdiń týy astynda óner kórsetken eki sportshy da sátsizdikke ushyrady. Irikteý saıysynda Georgıı Boroda-Dýdochkın 18-oryn alsa, Konstantın Sychev 21-satyǵa taban tiredi.
Aýyr atletıkadan Qytaıdyń Szıanshan qalasynda ótip jatqan Azııa chempıonatynda 102 kg salmaqtaǵy Artıom Antropov kúmis medalǵa ıe boldy. Qossaıystyń qorytyndysy boıynsha 386 (165+221) kg-lyq ziltemirdi eńsergen jerlesimiz Olımpııa oıyndarynyń jeńimpazy, álem, Azııa chempıony Lıý Hýanhýadan qalyp qoıdy. Jeńimpazdyń kórsetkishi – 410 (180+230) kg. Qola medaldy túrikmenstandyq Daýranbek Hasanbaev ıelendi. Onyń nátıjesi – 377 (182+195) kg.