Memlekettik keńesshi Erlan Qarın Túrkistan oblysyna jumys sapary aıasynda ishki saıasat máseleleri jóninde jıyn ótkizdi. Basqosýǵa aımaq ákimi Nuralhan Kósherov, aýdan ákimderi jáne oblystyq basqarma basshylary qatysty.
Jıynda Memleket basshysynyń bastamalary men tapsyrmalaryn tıimdi oryndaýǵa, etnosaralyq jáne konfessııaaralyq kelisimdi nyǵaıtýǵa, azamattyq qoǵam ınstıtýttarymen ózara qarym-qatynasqa, aqparattyq jáne jastar saıasatyna, sondaı-aq basqa da túıtkilderge qatysty ózekti máseleler talqylandy.
E.Qarın memlekettik organdardyń qyzmetin uıymdastyrý isindegi basty qaǵıdattarǵa toqtalyp, ishki saıasat salasynda proaktıvti, ıaǵnı problemalardyń aldyn alý tásilin qoldaný qajettigine nazar aýdardy.
Memlekettik keńesshi jıyndy qorytyndylaı kele jaýapty organdarǵa ishki saıasat salasyn jetildirýge qatysty birqatar naqty tapsyrma berdi.
Sondaı-aq E.Qarın Qoja Ahmet Iаsaýı kesenesine baryp, onda júrgizilip jatqan ǵylymı zertteý jáne restavrasııa jumystarymen tanysty. Memlekettik keńesshi elimizdiń ǵana emes, IýNESKO-nyń Búkilálemdik mádenı muralar tizimine engen biregeı nysandy saqtap qalýdyń mańyzyn atap ótti.