Ulttyq testileý ortalyǵy 2025 jylǵy Ulttyq biryńǵaı testileý (UBT) kúnderiniń ózgergeni týraly resmı málimdeme jasady. Bul ózgeris mektepterde ótetin sońǵy qońyraý kúnimen baılanysty engizilip otyr, dep habarlaıdy Egemen.kz.
UBT tapsyrýǵa tirkelgen talapkerler úshin testileý kúnderi kelesideı ózgeredi:
23 mamyrǵa tirkelgender — endi 25 mamyrda test tapsyrady; 24 mamyrǵa tirkelgender — 1 maýsymda UBT-ǵa qatysady.Ulttyq testileý ortalyǵy testileýdiń jańa kúni týraly aqparat talapkerlerdiń app.testcenter.kz saıtyndaǵy jeke kabınetterinde avtomatty túrde jańartylatynyn, sondaı-aq SMS habarlama arqyly qosymsha eskertý jasalatynyn málimdedi.
Aıta keteıik, ózgerister tek 23 jáne 24 mamyr kúnderine tirkelgen talapkerlerge qatysty. Qalǵan kúnderdegi testileý kestesi ózgerissiz qalady.