Stepnogorsk qalasynda 1000 oryndyq jalpy bilim beretin mektep pen kópfýnksıonaldy sport kesheni boı kóteredi, dep habarlaıdy Egemen.kz.
Bul áleýmettik mańyzy zor eki nysandy salý jónindegi memorandým Aqmola oblysynyń ákimi Marat Ahmetjanovtyń bastamasymen qala ákimdigi jáne «AK Altynalmas» aksıonerlik qoǵamy arasynda jasaldy. Kompanııanyń basqarma tóraǵasy Balamır Mahanov barlyq jumystardy sapaly ári ýaqtyly atqarýǵa daıyn ekenin jetkizdi.
Eki nysannyń jalpy quny – 22 mıllıard teńge. Kompanııa ókilderiniń aıtýynsha, 2027 jylǵy 1 qyrkúıekte Stepnogorsk qalasynyń oqýshylary jańa mektep tabaldyryǵyn attaıtyn bolady. Mektep zamanaýı oqý kabınetterimen, IT-ortalyqpen, sport zalymen, mýltımedııalyq aımaqtarmen jabdyqtalady. Sport saraıynyń jobasy tolyq daıyn. Jer telimi de bólingen. Qurylys jumystary aldaǵy kúnderi bastalyp, kelesi jyly aıaqtalady dep mejelenýde.
Aqmola oblysy