Jaýapkershiligi joǵary júrgizýshi

Densaýlyq saqtaý mı­nıstr­li­gine qarasty Kýrortologııa jáne me­dı­sınalyq ońaltý ǵylymı-zertteý ınstı­týtynyń fılıaly – «Býrabaı» emdeý-saýyqtyrý kesheniniń avtobýs júrgizýshisi Asqar Ýá­lıev 43 jyldyq táji­rı­besi bar eńbek maıtalmany. Sondaı-aq ol – úlken ujymnyń, qoǵam­nyń turaqty, úılesimdi damý yrǵa­ǵyna úles qosyp júr­­gen jan­dar­dyń biri.

Onyń kásiporynmen baılanysy tankshi retinde áskerı boryshyn ótep kelgennen keıin, birden bastaldy. 1982 jyly «Býrabaı» sanatorııiniń kóli­gin tizgindedi. Qyryq jyldan astam ýaqyttan beri osy kásibi men jumys ornynan myz­ǵymaı eńbek etip keledi. Ujy­mymen bite qaınasqan ómiri – turaqty­lyqtyń da kepili.

Búginde Asqar qyzmetker­lerdi tasy­maldaýǵa jaýapty. Balalar­dy ońaltý bóliminen ekskýrsııaǵa aparady, muny shaqyrymdarmen ólshenbeı­tin jan jylýymen qulshyna atqarady. Onyń avtobýsy tek kó­lik quraly ǵana emes, árkim ózin qaýipsiz sezinetin kishken­taı qamqorlyq araly.

«Bul – meniń úıim. Tańerteń  jumysqa toıǵa baratyndaı bolyp jınalamyn, asyǵamyn. Ásirese kishkentaı balalardy alyp júrgenime qýanyshtymyn, olardyń árqashan jaqsy kóńil kúıde júrgenin qalaımyn», deıdi Asqar.

Qyryq jyldan astam kólik júr­gizip kele jatsa da, áli de sergek, jigerli, qaıratty azamattyń kóp jylǵy adal eńbegi «Eńbek ar­dageri» ataǵymen baǵalandy. Jal­py, Kýrortologııa jáne medısınalyq ońaltý (ǴZI) mekemesi táji­rıbeli de turaqty qyz­met­ker­lerin laıyqty baǵa­lap, qurmet kórse­tip otyrýdy dástúrge aınal­dyrǵan. Ujym­da eńbek ardager­lerine qam­qor­lyq jasaýmen qa­tar, jas mamandardyń kásibı ósýi­ne de barlyq jaǵdaı qaras­ty­­­ryl­ǵan. Laýazymyna qara­mas­­­­tan, ınstıtýttaǵy árbir qyz­­met­ker ortaq iste mańyzdy ról atqaratynyna senimdi bolǵan­dyq­­tan, árkim óz mindetine jaýap­ker­shilikpen qaraıdy. Ǵalym, dári­ger, muǵalim, tehnı­ka­lyq qyz­met­ker, júrgizýshi bolsyn, barly­ǵy aza­mat­tardyń densaýlyǵy úshin ju­mys isteıtin birtutas tiri azǵa ispetti.

Asqar Ýálıevtiń taǵylymdy ómir joly jaı ǵana jumys kún­de­­riniń, tabys tabýdyń shejiresi emes, bul – óz kásibin sheber meńge­rýdiń, adamdarǵa degen shy­naıy súıispenshiliktiń jar­qyn kórinisi. Mundaı adamdar qa­rapaıym, adal eńbek pen adam­gershiliktiń qalypty qundyly­ǵyn dáleldeı otyryp, jastarǵa da ónege darytady.