Otty jyldar shejiresi

Kórmedegi sýret, grafıka jáne músin ónerindegi shyǵarmalar halyqtyń basyndaǵy qıly kezeń men erlikke toly oqıǵalardy ár túrli býyndaǵy sýretshilerdiń kózimen shynaıy kórsetedi. Soǵys taqyrybyna arnalǵan kórmeler mýzeıde jyl saıyn ótkiziledi, sebebi bul – tarıh tizbegindegi tutas urpaq úshin  mańyzyn joımaıtyn qundy estelik.

Joǵary kásibı deńgeıde oryn­dalǵan týyndylardyń óze­ginde jandy ómir bar, ár detal qarapaıymdylyq pen ­shy­naıy­lyqqa toly, tragızm­men, poetıkalyq mazmunmen óril­­gen óner týyndylaryndaǵy tú­ıin bireý – erlikti kórsetý. ­Olar Otan aldyndaǵy paryz týra­ly, el basyna tóngen qaýip, ozbyr basqynshyny jeńgen halyq­tyń jeńisi men saltanaty týraly aıtady.

Ekspozısııada V. Antoshenko-Olenev, A.Baqtyǵalıev, R.Velıka­nova, N.Gaev, A.Drozdov, P.Zals­man, Q.Kametov, Á.Qasteev, ­M.Kı­sa­medınov jáne basqa da avtor­­lardyń grafıkalyq ju­mys­ta­ry mańyzdy oryn alady. Bul shyǵarmalardyń birqata­ry kópshilikke alǵash ret usyny­lyp otyr. M.Kalımov, V.Kıreev, Q.Teljanov, E.Tólepbaı, M.Hı­ta­hýnov jáne basqa da sýret­shi­lerdiń burynnan belgili keıbir keskindeme jumystary grafıkalyq paraqtarmen birik­tirilgen.

Ekspozısııada elimizdiń je­tekshi músinshileri — E.Merge­nov pen S.Sergebaevtyń músin­dik kompozısııalary da kór­neki tustan kóz tartady. Joba­nyń orta­­lyq bóliginde L.Kalımo­va­nyń «Bata» gobeleni ornalasqan.

Kórmeniń medıa bólimi Jeńis jolynda jaýyngerlik rýh pen qaısarlyqtyń úlgisin kórsetip, jaýǵa qarsy atoılap shapqan batyrlar erligin dáripteýge arnalǵan. Otty jyldardyń óshpes shejiresin jazǵandardyń arasynda  Qa­zaqstan sýretshileriniń esimi de qurmetpen atalady, atap aıtqanda, Ú.Ájıev, N.Alek­sandrov, P.Andrııýk, P.An­tonenko, K.Baranov, I.Bonda­renko, I.Vınogradov, V.Voro­bıhın, A.Gorovyh, P.Da­nılov, V.Dmı­t­rıev, A.Drozdov, A.Evdakov,  D.Elkın, R.Esirkeev, A.Zakovrıashın, G.Ilıaev, A.Ilın, D.Kalachev, J.Qanapıanov, I.Kvach­ko, Sh.Kenjebaev, V.Ko­lo­denko, V.Konstantınov, G.Mak­­sımov, P.Marıkovskıı, E.Mol­­danııazov, R.Meıirmanov, N.Na­sed­kın, V.Nesterov, N.Nurmuham­medov jáne taǵy basqalary bar.

Eki bólimnen turatyn me­dıaekspozısııa soǵys qahar­mandarynyń portrettik hronıkasyn, soǵysqa qatysqan sýret­shilerdiń erligine baılanysty suhbattar men derekti fılmderdiń translıasııasy — kórermenge alysta qalǵan jyl­dardyń oqıǵalaryn tereńi­rek sezinýge múmkindik beredi.

ALMATY