Oılańyzshy, kóshede kele jatyrsyz. Aldyńyzda bıik ǵımarat. Kózildirigińizdi sheshpeı-aq sol ǵımaratqa qaradyńyz – kóz aldyńyzda áp-sátte aqparattar paıda bolady: «Bul – Ortalyq kitaphana. 3-qabatta – balalar bólimi. Qazir ashyq. Ishinde 12 adam bar. Wi-Fi tegin». Kınodaǵydaı, ıá? Biraq endi bul qııal emes.
Qytaı men AQSh fızıkteri birigip, fokýsy avtomatty túrde ózgeretin lınzasy bar jańa qurylǵy jasap shyǵardy. Metaqurylǵy adamnyń kórý aýqymynda ártúrli qashyqtyqta turǵan nysandardy anyq ári buldyratpaı kórsetýge múmkindik beredi. Eń bastysy – burynǵydaı úlken, kúrdeli jabdyqtar qajet emes. Kózildirik nemese jeńil qurylǵy arqyly-aq sýpermarketke kirmeı turyp jeńildikterdi, ǵımarattyń syrtyna qarap qandaı mekeme ekenin, avtobýstyń qaıda baratynyn bilýge bolady.