QYZYLORDA. 3 tamyz. Oblystyq kásipkerler palatasy janyndaǵy kásipkerlerdiń quqyǵyn qorǵaý keńesi 129 kásipkerdiń quqyǵyn qorǵap qaldy. Bul týraly egemen.kz tilshisi habarlady.
Máselen, Qyzylorda qalasy ákiminiń 2004 jylǵy 26 shildedegi № 136 qaýlysyna sáıkes Qyzylorda qalasynyń «Kókjıde» óńirinde ornalasqan jeke kásipkerlikke negizdelgen sharýa qojalyǵyn júrgizý úshin, jalpy kólemi – 64 gektar jer ýchaskesine 49 jyl merzimge ýaqytsha paıdalaný quqyǵy tabystalǵan. Alaıda, 2015 jyldyń qańtar aıynda jeke kásipker A.Mahanovqa N.Ibraev esimdi azamat kelip, ózine atalǵan jer ýchaskesine paıdalaný quqyǵy tabystalǵandyǵy týraly habarlap, jer ýchaskesin bosatýdy talap etken. Máseleni zertteı kelgende A.Mahanovtan bólek taǵy osyndaı 128 kásipker japa shegip júrgeni anyqtalǵan.
Kásipkerler palatasynyń aralasýymen másele oń sheshimin taýyp, Qyzylorda qalasy ákimdigi qaýlysynyń kúshi joıyldy. Qazirgi tańda A.Mahanovtyń jáne 128 kásipkerdiń jer ýchaskeleri keri qaıtarylyp, quqyqtary qalpyna keltirildi.
Erjan Baıtiles.
Derek, sýret: egemen.kz.