Dúbirli festıval bastaldy

Mádenı keshte kórermen fransýz horeografynyń tanymal bir aktiden turatyn ba­letterin tamashalady. Atap aıt­saq, «Arlezıanka», «Bozbala jáne О́lim», «Karmen» – sahna­nyń bar sán-saltanatymen kórinis berdi. Qoıylymdar «Astana Opera» balet trýppasynyń kór­kem­dik jetekshisi Altynaı Asyl­muratovanyń bastamasymen sahnalandy. Bul baletterdi jań­ǵyrtý zor kúshti talap etkeni sóz­siz. R.Petı horeografııasyn teatrǵa alyp kelýmen Lýıdjı Bonıno aınalysty. Tarıhı dekorasııalar men kostıýmderdi túpnusqa syzbalarǵa saı etip qal­pyna keltirý fransýz sýretshisi Jan-Mıshel Dezıre úılestirgen qazaq­standyq sýretshilerdiń assıs­tentterine júkteldi. Son­daı-aq mýzykalyq partıtýralarmen tııanaqty jumys atqaryldy. Aıta keteıik, Elmar Bóribaev pen Rýslan Baımýrzınniń bas­qa­rýyndaǵy orkestr sheber oınap, únniń tamasha qýaty men mýzy­ka­ǵa degen aıqyn adaldyqty pash etti.

Premerada balet juldyz­dary, trýppanyń jetekshi so­lısteri men kordebalet ártis­teri óner kórsetti.

Aıta keteıik, dástúrli fes­tıval eki aıǵa jalǵasady. Kórermenge 6 maý­sym kúni re­seılik tenordyń qa­tysýymen J.Bızeniń «Karmen» operasy usynylady. Odan bólek osy aıda eki biregeı premera – P.Chaıkovskııdiń «Uıqydaǵy arýy» men V.Bellınıdiń «Kapý­lettı men Montekıi» qoıylady. Al 29 maýsymda Qytaı men Re­seıdiń balet juldyzdary qaty­sa­tyn gala-balet ótedi. Shil­dede el­ordalyqtar men qala qonaq­tary Dj.Pýchchınıdiń «Bogema» ope­rasyn tamashalaı alady. Onda Italııa men Qytaı­dan sha­qy­rylǵan solıster óner kórse­tedi. Sondaı-aq XXI ǵasyr ba­leti R.Rebektiń «Qazirgi sát qan­sha ýaqytqa sozylady?» jáne V.Sý­kettıdiń «Souvenir de danse» qo­ıylymdary usynylady. Dj.Pých­chınıdiń «Týrandot» grand-ope­rasy Qazaqstan men Reseı jul­dyzdarynyń qaty­sýy­men ótedi.

Budan bólek K.Baıseıitova atyndaǵy Kameralyq zalda bir­qatar konsert uıymdas­tyry­lady. Atap aıtsaq, bolgarııalyq skrıp­kashy Pavel Mınevtiń keshi, Salaýat Karıbaev pen Alııar О́tetileý qatysatyn vıolon­chel konserti, Máskeýden kelgen Elman Ernurdyń fortepıano­lyq solosy, qazaqstandyq kom­pozıtorlarǵa arnalǵan vokal keshteri kópshilik nazaryna usy­nylady. Jalpy, mádenı festıval aıasynda kórermen úshin 30-dan astam is-shara josparlanǵan.