2024 jyldyń qorytyndysy boıynsha Qazaqstanda jańartylatyn energııa kózderinen (JEK) óndiriletin elektr energııasynyń úlesi 6,43%-dy quraǵan. Bul kórsetkish 2020 jylmen salystyrǵanda eki ese joǵary, sol jyly JEK úlesi nebári 3% bolǵan, dep habarlaıdy Egemen.kz.
Energetıka mınıstrliginiń habarlaýynsha, JEK sektoryndaǵy damý – ınvestısııalyq ahýaldy jaqsartýǵa baǵyttalǵan turaqty memlekettik qoldaýdyń nátıjesi. Jańa nysandardyń qurylysy negizinen jeke ınvestorlardyń qarjysy esebinen júzege asyrylyp jatyr, al halyqaralyq ozyq tájirıbeler belsendi túrde engiziledi.
Aıta keteıik, mundaı ósim eldegi «jasyl» ekonomıkaǵa kóshý baǵytyndaǵy memlekettik saıasattyń sátti júzege asyp jatqanyn kórsetedi.
Sońǵy bes jyldaǵy ósim dınamıkasy:
2021 j. – 3,69%; 2022 j. – 4,53%; 2023 j. – 5,92%; 2024 j. – 6,43%.Qazirgi tańda elimizde 154 jańartylatyn energııa nysany jumys isteıdi, olardyń jalpy qýaty 3 GVt-tan asady. Atap aıtqanda:
63 jel elektr stansııasy (1 570,05 MVt); 46 kún elektr stansııasy (1 222,61 MVt); 42 sý elektr stansııasy (287,685 MVt); 3 bıogaz stansııasy (1,77 MVt).