ASTANA. 20 maýsym. Búkilálemdik boks serııasynda (WSB) el namysyn qorǵap júrgen «Astana arlandary» búgin fınaldyq básekeniń alǵashqy jarys kúnin ótkizdi. Atalǵan synda bizdiń komandanyń qarsylasy «Kýba domadores» klýby ekeni belgili. Bul týraly egemen.kz habarlady.
Boks keshi Astanadaǵy «Dáýlet» ulttyq tennıs ortalyǵynda uıymdastyryldy. Alǵash bolyp sharshy alańǵa 49 kıloǵa deıingi salmaq dárejesindegi atletter kóterildi. Bul synda «arlanymyz» Temirtas Júsipov qarsylasy Ioanıs Argılagosty aıqyn basymdyqpen jeńdi (3:0). Alaıda, 56 kıloǵa deıingi salmaqta judyryqtasqan bokshymyz Qaırat Eralıev London Olımpıadasynyń chempıony Robeısı Ramıreske dál sondaı eseppen ese jiberdi.
Úshinshi jekpe-jekte «Astana arlandary» taǵy da jalpy eseptegi basymdyqqa ıe boldy. 64 kıloǵa deıingi salmaqta baq synaǵan komanda kapıtany Samat Báshenov qarsylasynan 3:0 esebimen basym tústi. Kelesi aıqasta 75 kıloǵa deıingi salmaq dárejesindegi boksshylar judyryqtasty. Atalǵan saıysta «arlandar» namysyn Meıirim Nursultanov qorǵady. Ol ózine artylǵan senimdi tolyǵymen aqtap, qarsylasy Arlen Kardonany 3:0 esebimen jeńdi.
Birinshi jarys kúniniń núktesin 91 kıloǵa deıingi salmaqtaǵy boksshylar qoıdy. WSB jobasy arqyly Rıo-de-Janeıro Olımpıadasyna joldama alǵan sportshymyz Vasılıı Levıt Kýbanyń ataqty boksshysy Felıks Savonnyń týysy Erıslandı Savonǵa qarsy judyryqtasty. Nátıjesinde tóreshiler kýbalyqty jeńiske laıyq dep tapty (2:1).
Osylaısha, alǵashqy kúni «Astana arlandary» 3:2 esebimen jeńiske jetti. Erteń qarsylastar taǵy ózara bes jekpe-jek ótkizedi.
Birinshi jarys kúniniń qorytyndysy:
«Astana arlandary» – «Kýba domadores» 3:2
49 kg.: Temirtas Júsipov – Ioanıs Oskar Argılagos 3:0 (50:45, 50:45, 50:45);
56 kg.: Qaırat Eralıev – Robeısı Ramıres 0:3;
64 kg.: Samat Báshenov – Iаsnıer Toledo Lopes 3:0 (48:47, 48:47, 48:47);
75 kg.: Meıirim Nursultanov – Arlen Lopes Kardona 3:0 (48:47, 48:47, 48:47);
91 kg.: Vasılıı Levın – Erıslandı Savon Kotılla 1:2 (47:48, 47:48, 49:46).
Erteń sharshy alańǵa shyǵatyn qarsylastar:
52 kg.: Oljas Sáttibaev (zapasta Mıras Jaqypov) – Iosvanı Veıtıa Soto;
60 kg.: Zakır Safıýllın (Erjan Musafırov) – Lasaro Alvares;
69 kg.: Aslanbek Shymbergenov (Madııar Áshkeev) – Ronıel Iglesıas Sotolongo;
81 keli: Nurdáýlet Jarmanov (Álı Ahmedov) – Hýlıo Sesar la Krýs;
+ 91 keli: Ivan Dychko (Fılıpp Hrgovıch) – Iohandı Toırak Ortega.
Eger eki kún qorytyndysy boıynsha teń nátıje tirkelse, jeńimpaz 56 kg. salmaq dárejesindegi qosymsha jekpe-jek arqyly anyqtalady. Bul tartysta qos komandanyń jattyqtyrýshylary myna boksshylarǵa senim artyp otyr.
56 kg.: Meıirbolat Toıytov (Qaırat Eralıev) – Robeısı Ramıres (Endı Krýs).
Elaman Qońyr.
Derek: egemen.kz.
Sýret: vesti.kz.