Almaty oblysynda kókpardan jastar arasyndaǵy Qazaqstan chempıonaty ótti. Oǵan elimizdiń barlyq óńiriniń komandalary qatysty, dep habarlaıdy Egemen.kz.
Bul dodada at qulaǵynda oınaǵan jambyldyq jastar aýyz toltyryp aıtarlyqtaı tabysqa qol jetkizdi. Áýelgi oıynda Túrkistan oblysynyń tarlandaryn 5:4 esebimen jeńgen jambyldyq jampozdar keıinnen Jetisý óńiriniń komandasyn 9:2, Almaty oblysynyń sańlaqtaryn 6:3 esebimen jeńdi.
Fınaldyq kezdesýde Jambyl oblysynyń komandasy shymkenttik qurdastarymen altyn júldeni sarapqa saldy. Tartysqa toly jaǵdaıda ótken oıynnyń negizgi ýaqyty 4:4 esebimen teń aıaqtaldy. Al, qosymsha ýaqytta jambyldyq shabandoz Arnur Esen «Altyn salym» salyp, komandasynyń chempıon atanýyna súbeli úles qosty. Osylaısha 13 komanda, 160 sportshy qatysqan dodada jambyldyq ujymnyń mereıi ústem boldy.
Jambyl oblysy