Agroónerkásiptik keshendegi memlekettik ınspeksııa komıtetiniń oblystyq aýmaqtyq ınspeksııasynyń málimeti boıynsha jaqyn aralyqta 520 myń gektar aýmaq óńdeledi, dep habarlaıdy Egemen.kz.
«Bıylǵy kóktem jyly bolýyna baılanysty shegirtke dernásilderi byltyrǵyǵa qaraǵanda erterek paıda boldy. Bizdiń ınspeksııa mamandary zııankes dernásilderiniń 30 sáýirde paıda bolǵanyn anyqtady. Osy kezge deıin 193 myń gektar alqap zerttelip, zııankes dernásilderi tabylǵan 19,95 ga alqaptyń 9,07 myń gektaryna óńdeldi. Monıtorıng jumystaryna 602 ınspektor qatysty. Qazirgi ýaqytta 6263 myń ga alqapta hımııalyq óńdeý jumystary aıaqtaldy», dep habarlaıdy aýmaqtyq ınspeksııa basshysy Asylhan Ábtıev.
Shegirtke qumdy jerlerge kóbirek jumyrtqalaıdy. Bıyl Alǵa, Shalqar, Yrǵyz, Qobda aýdandarynda zııankesterdiń kóbeıip ketý qaýpi joǵary bolǵandyqtan, qumdy alqaptarda ýlaý jumystary kúsheıtildi.