AQSh prezıdenti Donald Tramp ǵalamtor keńistiginde ruqsatsyz jarııalanǵan ıntımdik mazmundaǵy fotosýretter men beınematerıaldarǵa, sondaı-aq jasandy ıntellekt arqyly jasalǵan dıpfeıkterge tyıym salatyn jańa zańǵa qol qoıdy, dep jazady Egemen.kz.
Qujatqa sáıkes, endi mundaı kontentti taratý qylmystyq áreket dep tanylyp, zań aldynda jaýapqa tartylatyn bolady. Sondaı-aq, ınternet-platformalar men áleýmettik jeliler jábirlenýshilerden shaǵym túsken jaǵdaıda, eki táýlik ishinde sáıkes materıaldy óshirýge mindetti.
Atalǵan zańnyń qabyldanýyna AQSh-tyń birinshi hanymy Melanııa Tramp ta óz yqpalyn tıgizgen. Ol naýryz aıynda Kapıtolııge baryp, Kongress ókilderin bastamany qoldaýǵa shaqyrǵan bolatyn. Onyń aralasýy nátıjesinde qujat zańdy túrde bekitildi.