Qytaı Kommýnıstik partııasy memlekettik apparattaǵy ysyrapshyldyqpen kúresti kúsheıtý maqsatynda jańa tártip engizdi. Endi qyzmettik kezdesýlerde qymbat ishimdikter, temeki ónimderi men sándi taǵamdar usynýǵa tyıym salynady. Sonymen qatar, resmı qonaqtardy áýejaıǵa shyǵaryp salý, jıyndarda gúlmen ásemdeý sekildi saltanatty rásimder de qysqartylady, dep jazady Egemen.kz.
Bul sheshim Qytaıdyń ekonomıkalyq ósimi báseńdep, AQSh-pen aradaǵy saýda soǵysy jalǵasyp turǵan shaqta qabyldanyp otyr. El basshylyǵy memlekettik qyzmetkerlerge qarapaıym ómir saltyn ustanyp, únemshildikte úlgi bolýdy talap etip jatyr.
Sheneýnikterge arnalǵan resmı málimdemede: «Qarapaıym ómir súrýdiń úlgisin kórsetip, artyq shyǵynnan aýlaq bolý – partııanyń bedelin arttyrady» dep atap ótilgen.
Ekonomıkalyq qysym jaǵdaıynda mundaı sharalar Qytaı bıliginiń ishki turaqtylyqty saqtaý jáne halyqtyń senimin nyǵaıtý baǵytyndaǵy taktıkalyq qadamdarynyń biri retinde baǵalanyp jatyr.