QYZYLORDA. 3 tamyz. Aımaqta qoǵamdyq tártipti saqtaý men jol qozǵalysy qaýipsizdigin qamtamasyz etý, jol qozǵalysy erejelerin óreskel buzýshylyqtyń, ásirese kólik quralyn masań kúıde basqarý derekterin anyqtaý, jol-kólik oqıǵalarynyń aldyn alý, jolyn kesý maqsatynda «Mas júrgizýshi – qylmysker» jedel-profılaktıkalyq is-sharasy ótkizildi. Bul týraly egemen.kz tilshisi habarlady.
Is-shara barysynda Qyzylorda oblysy ishki ister departamentiniń qyzmetkerleri jol qozǵalysy ereje talaptaryn buzýdyń 2171 deregin anyqtady. Onyń ishinde, kólik júrgizýshileriniń belgilengen júrý jyldamdyǵyn arttyrý deregi boıynsha – 224, kólik quralyn masań kúıde basqarý deregi boıynsha – 35 quqyq buzýshylyq tirkelgen. Oryn alǵan barlyq quqyq buzýshylyqtar boıynsha tıisti ákimshilik sharalar qoldanyldy.
Erjan Baıtiles.
Derek: egemen.kz.
Sýret: pdd-rk.kz.