22 mamyr kúni tańerteń elimizdiń barlyq óńirinde eskertý júıesiniń jumysyn tekserý maqsatynda dybystyq dabyl belgisi oınaıdy. Bul – «О́rt-2025» oqý-jattyǵýy aıasynda ótetin josparly shara, dep habarlaıdy Egemen.kz.
Qazaqstanda 22–23 mamyr aralyǵynda «О́rt-2025» respýblıkalyq komandalyq-shtabtyq oqý-jattyǵýy ótedi. Jattyǵý tótenshe jaǵdaılar kezindegi basqarý organdary men azamattyq qorǵaý qurylymdarynyń ózara is-qımylyn pysyqtaýǵa baǵyttalǵan.
Pavlodar oblysy Tótenshe jaǵdaılar departamentiniń málimetinshe, bıylǵy oqý-jattyǵýdyń úılestirý jáne basqarý ortalyǵy osy óńirde ornalasqan. 22 mamyr kúni saǵat 9:00-de el aýmaǵynda dabyl belgisi qosylyp, júıeniń tehnıkalyq daıyndyǵy tekseriledi.Tótenshe jaǵdaılar qyzmeti turǵyndardan sabyr saqtap, úreıge boı aldyrmaýdy suraıdy. Bul – aldyn ala josparlanǵan oqý-jattyǵý ekenin eskertedi.
Sondaı-aq jattyǵý aıasynda shekara mańyndaǵy aýmaqtarda orman jáne dala órtterin sóndirýge baǵyttalǵan is-qımyldar da pysyqtalady. Bul jumystarǵa Reseı Federasııasynyń Tótenshe jaǵdaılar mınıstrliginiń mamandary men tehnıkasy da jumyldyrylady.
Janel TО́LEÝBEKOVA, EUÝ 2 kýrs stýdenti