30 mamyr men 12 maýsym aralyǵynda elordada tirek-qımyl apparaty, kórý músheleri zaqymdanǵan jáne ıntellektýaldyq damý ereksheligi bar sportshylar arasynda Qazaqstan Respýblıkasynyń VII Paraspartakıadasy ótedi. Bul jarys múmkindigi shekteýli jandardyń sporttaǵy áleýetin damytýǵa jáne ınklıýzıvti qoǵam qalyptastyrýǵa baǵyttalǵan, dep habarlaıdy Egemen.kz
Bıylǵy Paraspartakıada 17 sport túri boıynsha uıymdastyrylady. Sonyń ishinde 7 sport túrinen jarystar tikeleı Astanada ótedi. Olarǵa otyryp oınaıtyn voleıbol, para taekvondo, para dzıýdo, bochcha, para bı, para sadaq atý jáne para karate kiredi.
Jarysqa elimizdiń 19 óńiri men qalalarynan 2000-ǵa jýyq sportshy qatysady. Aıta keterligi, bıyl alǵash ret ıntellektýaldyq damý ereksheligi bar sportshylar da Spartakıadaǵa qatysý múmkindigine ıe bolyp otyr. Olar júzý, jeńil atletıka jáne ústel tennısi boıynsha óz sheberlikterin kórsetedi. Astana qalasy jarystyń negizgi uıymdastyrýshysy retinde qatysýshylardy óz sport nysandarynda qabyldaıdy. Qalǵan sport túrleri Aqmola, Almaty, Jambyl jáne Shyǵys Qazaqstan oblystarynda 30 maýsymǵa deıin ótedi.
Elorda atynan Paraspartakıadaǵa 189 sportshy qatysady. Olardyń arasynda elge tanymal parasportshylar da bar. Atap aıtqanda, para dzıýdo boıynsha — Aqmaral Naýatbek, Erǵalı Shameı jáne Asylan Nurdáýletov, para júzýden — Sııazbek Dalıev pen Álı Týrǵanbek, para nysana kózdeýden — Sevda Álıeva, al jeńil atletıkadan — Aısulý Súleımenova el namysyn qorǵaıdy.
Spartakıadanyń saltanatty ashylý rásimi 4 maýsym kúni Jaqsylyq Úshkempirov atyndaǵy jekpe-jek saraıynda ótedi. Al jabylý saltanaty 30 maýsymda О́skemen qalasynda uıymdastyrylady.
Araılym MYRZAHAN, EUÝ 2 kýrs stýdenti