Qazaqstan Respýblıkasy Halyqaralyq qaıta qurý jáne damý bankinen (HQDB) 46,3 mıllıard teńge kóleminde qaryz alýdy josparlap otyr. Májilis bul kelisimdi ratıfıkasııalaý týraly qorytyndyny ázirleýge kiristi, dep habarlaıdy Egemen.kz.
Bul qaryz «Inklıýzıvti ekonomıka úshin jedel sıfrlandyrý» jobasy aıasynda beriledi. Kelisim 2024 jyldyń jeltoqsanynda HQDB men Qazaqstan úkimeti arasynda jasalǵan bolatyn. Qaryz somasy 13,083 mıllıard japon ıenine, ıaǵnı qazirgi baǵam boıynsha 46,3 mıllıard teńgege teń.
Qaryzdy óteý merzimi - 12 jyl, onyń ishinde 2028 jyldyń 15 sáýirine deıingi jeńildik kezeńi qarastyrylǵan. Sonymen qatar:
Bir jolǵy komıssııa mólsheri – qaryz somasynyń 0,25%-yn quraıdy;
Rezervteý komıssııasy – jylyna 0,25%, paıdalanylmaǵan qarajat qaldyǵyna esepteledi.
Buǵan deıin habarlanǵandaı, Qazaqstan bıýdjet tapshylyǵyn jabý úshin Azııa damý banki men Azııa ınfraqurylymdyq ınvestısııalar bankinen jalpy somasy 336 mıllıard teńge kóleminde eki qaryz alýdy josparlap otyr.