ASTANA. 3 tamyz. Osy jyldyń 28 shildesi men 2 tamyzy aralyǵynda Astanada toǵyzqumalaqtan erler arasynda Qazaqstannyń komandalyq chempıonaty ótti. Bul týraly Ulttyq shtattyq komandalar jáne sport rezervi dıreksııasynyń baspasóz qyzmeti habarlady.
Chempıonatqa 11 oblystan jáne Astana qalasynan, barlyǵy 12 komanda qatysty. Saıys qorytyndysy boıynsha, Pavlodar oblysynyń komandasy 7-ret Qazaqstan komandalyq chempıonatynda jeńimpaz atandy. Ekinshi oryndy Aqtóbe oblysynyń komandasy ıelense, úzdik úshtikti Qyzylorda oblysy túıindedi.
Elaman Qońyr.
Derek, sýret: Ulttyq shtattyq komandalar jáne sport rezervi dıreksııasynyń baspasóz qyzmeti.