Bul týraly Ulttyq ekonomıka mınıstrligi Kásipkerlikti memlekettik qoldaý jáne qorǵaý departamentiniń dırektory Daryn Ábdýáli málimdeme jasady, dep habarlaıdy Egemen.kz.
«Búgingi tańda bıznesti memlekettik qoldaýdyń talap etiletin sharalarynyń biri - Kásipkerlikti qoldaýdyń keshendi baǵdarlamasy. Joba aıasynda iske asyrylatyn «Bıznestiń jol kartasy» jáne «Qarapaıym zattar ekonomıkasy» baǵdarlamalarynyń quraldary bolyp qala beredi. «Damý» qory – baǵdarlamanyń operatory. Byltyrǵy jyldyń qorytyndysy boıynsha, kredıtterdi sýbsıdııalaý arqyly jeńildetilgen qarjylandyrý sharasy negizinde shamamen 1 trln teńge kredıt somasyna 17 myńnan astam bıznes jobasy qamtyldy. 310 mlrd teńge somasyna 8 myń joba boıynsha kepildik berildi. Bıyl osy maqsatty júzege asyrýǵa 275,2 mlrd teńge baǵyttaý josparlanǵan», dedi Daryn Ábdýáli.
Baǵyttalǵan qarjy Almaty, Astana, Shymkent qalalaryna, sondaı-aq Almaty, Túrkistan men Aqtóbe oblystarynda óńdeý ónerkásibi, kólik jáne qoımalaý, bilim berý salalary boıynsha iske asyrylmaq.