Oqý-aǵartý mınıstrligi 22–30 mamyr aralyǵynda elimizdiń barlyq óńirinde Halyqaralyq balalardy qorǵaý kúnine arnalǵan keń aýqymdy is-sharalar ótetinin habarlady, dep jazady Egemen.kz.
Bıyl bul bastama «Qazaqstan balalary» degen ortaq uranmen ótedi. Búkil respýblıka boıynsha barlyq aýyl, aýdan jáne qala bul merekelik bastamaǵa belsene qatysady. Is-sharalar balalardy eldiń mádenı, bilim berý jáne qoǵamdyq ómirine keńinen tartýǵa baǵyttalady.
Atalǵan is-sharalar Oqý-aǵartý mınıstrligi tıisti memlekettik, jergilikti atqarýshy organdarmen jáne qoǵamdyq uıymdarmen birlesip uıymdastyrylyp jatyr. Mereke kúnderi oblys, qala jáne aýdan ákimderi balalarmen kezdesedi. Bul kezdesýlerde balalar usynystarymen, arman-maqsattarymen bólise alady. Sonymen qatar osy kúnderi jańa bilim berý nysandaryn ashý josparlanyp otyr. Teatrlar, murajaılar, saıabaqtar men kınoteatrlarǵa tegin nemese jeńildikpen barý múmkindigi qarastyrylǵan. Oǵan qosa, balalarǵa qoldaý kórsetýge baǵyttalǵan óńirlik qaıyrymdylyq aksııalary uıymdastyrylady.