2025 jyldyń basynan bastap Qazaqstanda kópbalaly otbasylar men nagradtalǵan analarǵa arnalǵan memlekettik járdemaqylardy tóleý jalǵasyp jatyr, dep habarlaıdy Egemen.kz.
Jyl basynan beri orta eseppen 853,6 myń otbasy memlekettik qoldaýǵa ıe bolyp, olarǵa jalpy 201,9 mlrd teńge bólingen. Atap aıtsaq, kópbalaly otbasylar qataryndaǵy 611,5 myń otbasy 176 mlrd teńge kóleminde járdemaqy alǵan. Al nagradtalǵan analar – 242 myń adam 25,9 mlrd teńge kóleminde qoldaýmen qamtylǵan.
Tek 2025 jylǵy sáýir aıynyń ózinde ǵana bul san 860,1 myń otbasyna jetip, aı saıynǵy tólemderdiń jalpy somasy 51 mlrd teńgeni quraǵan. Onyń ishinde:
Kópbalaly otbasylarǵa – 617,6 myń otbasy, 44,5 mlrd teńge; Nagradtalǵan analarǵa – 242,5 myń adam, 6,5 mlrd teńge tólengen.Aıta keteıik, memlekettik járdemaqy otbasynyń tabysyna qaramastan, quramynda 4 jáne odan da kóp birge turatyn kámeletke tolmaǵan nemese kúndizgi bólimde oqıtyn 23 jasqa deıingi balasy bar otbasylarǵa tólenedi.
2025 jyly járdemaqy mólsheri bala sanyna qaraı:
4 bala – 63 030 teńge (16,03 AEK); 5 bala – 78 798 teńge (20,04 AEK); 6 bala – 94 565 teńge (24,05 AEK); 7 bala – 110 332 teńge (28,06 AEK); 8 jáne odan da kóp bala – ár balaǵa 15 728 teńge (4 AEK)Járdemaqy kelesi «Kúmis alqa» ıegerlerine – 25 165 teńge (6,40 AEK) • «Altyn alqa», burynǵy «Batyr ana» ataǵy jáne «Ana dańqy» ordeniniń I jáne II dárejesi ıegerlerine – 29 097 teńge (7,40 AEK) taǵaıyndalady.
Aıta keteıik, 2025 jylǵy 1 qańtardan bastap barlyq balaly otbasylarǵa arnalǵan memlekettik járdemaqy mólsheri 6,5%-ǵa artty.