Kókshetaýdaǵy gúl satatyn dúkender men erekshe kompozısııalardy jasap, gúldi odan ári túrlendirip júrgen florıst mamandarǵa arnalǵan branch kórme ótti. Onda gúldiń san alýan túri usynylyp, sheberlik sabaqtary uıymdastyryldy, dep habarlaıdy Egemen.kz.
Bul kórmeni sulýlyqty jany súıetin, mesenat kásipker Elena Mashınskaıa osydan eki jyl buryn alǵash ret uıymdastyrǵan edi. Sum ajal bıyl jany jaısań jandy ortamyzdan alyp ketti. Biraq, onyń bastamasyn aıaqsyz qaldyrǵysy kelmegen izin jalǵastyrýshylar aldaǵy ýaqytta mundaı kórmeni elimizdiń ózge qalalarynda da uıymdastyrýdy kózdep otyr.
– Biz ózimizden bastaıyq dep sheshtik. Kóptegen gúl dúkenderi qatysty. Sonymen qatar, Astana qalasynan Denıs Lobodany shaqyrdyq. Myqty florıst. Ol sheberlik sabaǵyn ótkizedi, – deıdi kórmeni uıymdastyrýshy Maral Kenjahımova.
Kórmeni uıymdastyrýǵa kóptegen seriktester atsalysty. Kelesi kórme Shýchınsk qalasyna ótedi.