Elorda ákimi Jeńis Qasymbek ótken jylý maýsymy Astanada aqaýsyz aıaqtalǵanyn áleýmettik jelidegi paraqshasynda jazdy. Osy baǵyttaǵy jumystardy júıeleı túsý úshin tirshilikti qamtamasyz etetin nysandardyń qurylysy da qarqyndy júrgizilip jatyr, dep jazady Egemen.kz.
«Qazirdiń ózinde jylý kózderin kelesi jylytý maýsymyna daıyndaýǵa kiristik. JEO-2 keńeıtý jumysyn bastaýdy josparlap otyrmyz, sondaı-aq «Turan» gaz jylý stansııasynyń qurylysy tolyq aıaqtalady. Sonymen qatar, «Telman» gaz jylý stansııasynyń qurylysyn da júrgizip jatyrmyz. Budan ózge, qosymsha 7 km jylý trassasyn salamyz ári 1,8 km jylý trassasyn qaıta jańǵyrtamyz», dep jazdy Jeńis Qasymbek.
Sondaı-aq, elektrmen jabdyqtaý jelileri boıynsha – «Araı» qosalqy stansııasyn paıdalanýǵa berip, jańa 1 qosalqy stansııanyń (Qabanbaı) qurylysyn bastaý josparlanǵan. Astanadaǵy perspektıvti qurylys aýdandarynda 24 taratý/transformatorlyq pýnktiń qurylysyn jalǵastyryp, sondaı-aq 86 km kabel jelisin (10 KVt) qaıta jańǵyrtý kózdelip otyr.