Soltústik Qazaqstan oblysynda 2025 jyldyń 26 mamyry men 11 maýsymy aralyǵynda «Qyzyljar jastary» biregeı áleýmettik ıpotekalyq baǵdarlamasyna qatysýǵa ótinimder qabyldaý bastalady, dep habarlaıdy Egemen.kz Soltústik Qazaqstan oblysynyń ákimdigine silteme jasap.
Jańa turǵyn úı baǵdarlamasyna densaýlyq saqtaý, veterınarııa, mádenıet, sport, áleýmettik qorǵaý, azamattyq qorǵanys, energetıka salasynda jumys isteıtin 35 jasqa deıingi azamattar qatysa alady.
Kandıdattar áleýmettik mártebesi, otbasylyq jaǵdaıy, balalarynyń bolýy jáne kásibı tájirıbesine qaraı ashyq básekelestik baldyq júıe boıynsha irikteledi.
Baǵdarlama sharty kelesideı:
Nesıe somasy: – Petropavl qalasynyń turǵyndary úshin – 15 mln teńgege deıin – Oblys aýdandarynyń turǵyndary úshin – 10 mln teńgege deıin
Bastapqy jarna: 10%
Paıyzdyq mólsherleme: 6% (jyldyq)
Nesıe merzimi: 19 jylǵa deıin
Qujattar men ótinimder Azamattardy qabyldaý ortalyǵynda qabyldanady.