Astanada 24-25 mamyr kúnderi ótetin jármeńkede eldiń túrli óńirlerinen kelgen jergilikti fermerler men óndirýshilerdiń ónimderi usynylady, dep habarlaıdy Egemen.kz.
Jármeńkede qala turǵyndary men qonaqtary kókónister men jemisterdi, et, un jáne sút ónimderin, nan-toqash, tabıǵı shyryndar, tosaptar men basqa da kóptegen ónimderdi tıimdi baǵamen satyp ala alady.
Is-shara 24 jáne 25 mamyr kúnderi saǵat 09:00-den 19:00-ge deıin Nurǵısa Tilendıev dańǵyly, 12a mekenjaıyndaǵy «Koktal» saýda-oıyn-saýyq ortalyǵynda ótedi.
Sonymen qatar aýyl sharýashylyǵy jármeńkesi Beıbarys Sultan kóshesi, 23 mekenjaıynda (Rıo-de-Janeıro turǵyn úı kesheniniń qarsysynda) turaqty túrde jumys istep tur. Ol kún saıyn saǵat 09:00-den 19:00-ge deıin ashyq. Sondaı-aq jármeńke mańynda №2, 32, 49, 50, 73 avtobýs baǵyttary júredi, bul is-shara ótetin orynǵa tez jetý úshin uıymdastyrylǵan.