Keshe áleýmettik jelilerde Sherzattyń sot prosesine qatysy bolýy múmkin belgisiz tulǵalardyń ekiushty sıpattaǵy dıalogyn qamtıtyn beınematerıal tarady. Osy oqıǵaǵa baılanysty sot tarapynan jeke qaýly shyǵarylatyny málim boldy, dep habarlaıdy Egemen.kz.
Sot beınematerıalda aıtylǵan jaıttardy eskere otyryp, onyń mán-jaıyn jan-jaqty zertteý qajettigin atap ótti. Prokýrorǵa beınematerıaldyń shynaıylyǵyn anyqtap, dıalogqa qatysýshylardyń kim ekenin jáne olardyń áńgimesiniń mazmunyn saralap, zańǵa sáıkes sharalar qabyldaý tapsyrylǵan.
Sot Konstıtýsııa talaptaryn eske sala otyryp, naqty sheshimdi tek sot organy ǵana qabyldaıtynyn erekshe atap ótti. Osyǵan baılanysty jalǵan málimet taratý, negizsiz boljam jasaý nemese qoǵamdyq pikirdi arandatý áreketterine jol berilmeıtini týraly qatań eskertý jasaldy.
Resmı organdar oqıǵany muqııat baqylaýda ustap otyr. Qoǵamnan tek resmı aqparatqa súıenip, tekserilmegen derekterge senbeý suralady.