Shyǵys Qazaqstan oblysy týrıstik salany damytýyn jalǵastyryp keledi. 2024 jyldyń qorytyndysy boıynsha óńirge shamamen 428 myń adam kelgen, onyń 410 myńy — ishki týrıster. Sheteldik qonaqtar sany 18 myńǵa jetti. Bul týraly ShQO Kásipkerlik jáne ındýstrııalyq-ınnovasııalyq damý basqarmasy basshysynyń orynbasary Dosjan Bolatbek О́ńirlik kommýnıkasııalar qyzmeti alańynda málimdedi.
Týrızmniń damýyna kórkem tabıǵatpen qatar belsendi ınvestısııalar da yqpal etip otyr. Jyl ishinde salaǵa 15 mlrd teńge ınvestısııa salynyp, bes iri týrıstik nysan paıdalanýǵa berildi. Ornalastyrý qyzmetteriniń kólemi 8 mlrd teńgeni qurady, sondaı-aq óńirde 500-den astam orynǵa arnalǵan jańa nómirlik qor qosyldy. 2029 jylǵa deıin týrıster aǵynyn jylyna 650 myń adamǵa deıin arttyrý josparlanyp otyr.
Onyń ishinde Samar aýdanynyń da týrızm áleýeti joǵary. Sarybel jaǵalaýy ǵana emes, Qaıyńdy, Qarakól óńirleri de týrıst tartýǵa taptyrmas oryn. Qulynjon qoryǵy da erekshe aýmaq.
Aıtar bolsaq, oblysta byltyr 600 shaqyrym jol jóndeldi, onyń ishinde týrıstik aımaqtarǵa aparatyn baǵyttar bar. Bıyl taǵy 721 shaqyrym jol jóndelmek. Buqtyrma sý qoımasy arqyly ótetin kópir qurylysynyń aıaqtalýy mańyzdy oqıǵa. Bul kópir alty aýdandy baılanystyryp, turǵyndar men qonaqtar úshin mańyzdy kólik arterııasyna aınaldy. Sonyń arqasynda Samar toǵyz joldyń torabyna aınaldy.
Jol boıynda ár aýdanǵa eki sanıtarlyq-gıgıenalyq torap ornatý tapsyrmasyna sáıkes, ártúrli aýdanda barlyǵy 12 nysan iske qosyldy.
Kópten kútken jobalardyń biri – Katonqaraǵaı aýdanynda jáne Zaısan qalasynda eki jańa áýejaıdyń salynýy. Qurylys jumystary bastalyp, aıaqtalýy osy jyldyń sońyna josparlanǵan. Bul oblystyń alys, biraq tabıǵaty erekshe ásem aımaqtaryna qoljetimdilikti aıtarlyqtaı jeńildetedi.
Shyǵys Qazaqstan týrızmdi «4E» tujyrymdamasy boıynsha damytýda: ekotýrızm, etnotýrızm, is-sharalar men oıyn-saýyq. Bul baǵyttar óz nátıjesin bere bastady. Altai Fest, «Shyǵys salbýryny» jáne Samar aýdanyndaǵy balyq aýlaý merekesi myńdaǵan qatysýshyny jınady. Bıyl jazǵy týrıstik maýsymda Katonqaraǵaı aýdanynda halyqaralyq «Raftıng festıvali» jáne Ulan aýdanynda «Shyǵys salbýryny 2025» ótedi dep kútilýde. Bul sharalar Dúnıejúzilik týrıstik uıymnyń (UNWTO) kúntizbesine engizilýi múmkin.
2024 jyly «Aýyl amanaty» baǵdarlamasy aıasynda týrızm salasyndaǵy jergilikti bastamalardy qoldaý úshin 467,6 mln teńgege 27 joba qarjylandyryldy. 2025 jyly bul kórsetkish 1,5 mlrd teńgege deıin artady.
Shyǵys Qazaqstan tabıǵı sulýlyqty, ulttyq bolmysty jáne zamanaýı ınfraqurylymdy úılestire otyryp, eldiń jetekshi týrıstik óńirleriniń biri retindegi ornyn nyqtaı túsýde.