Jetisý oblysyndaǵy daryndy balalarǵa arnalǵan Jylandy mamandandyrylǵan lıseı-ınternatynyń oqýshylary álemdik arenada qazaq rýhyn, ǵylymy men ónerin qatar tanytty.
Qytaıdaǵy FTC (FIRST Tech Challenge) jarysy – V SaoLý kýbogi: Jasóspirimderge arnalǵan robot jobalaý jáne qurastyrý boıynsha uıymdastyrylǵan bilim báıgesinde Jetisý oblysyndaǵy daryndy balalarǵa arnalǵan Jylandy mamandandyrylǵan lıseı-ınternatynyń WATER7 komandasy Connect Award marapatyn ıelendi. Bul – jasóspirimderdiń shyǵarmashylyǵy men tehnıkalyq qabiletterin álemdik deńgeıde tanytýǵa berilgen tamasha múmkindik. Aýyldan shyqqan jas daryndardyń ǵylym men tehnıka álemindegi zor jetistigi.
Al osy jeńis basynda turǵan – aýyl mektebiniń oqýshylaryn halyqaralyq deńgeıge kóterip júrgen maman, robottehnıka jattyqtyrýshysy Aıdos Ordabaevtyń eńbegin atap ótken jón. О́z mamandyǵynyń bilgiri lıseı-ınternatyna arnaıy shaqyrtýmen kelip, bir jyldyń ishinde Jylandy mektebinde robottehnıka baǵytyn jańa beleske kóterdi. Nátıjesinde, oqýshylar respýblıkalyq jáne halyqaralyq deńgeıde top jaryp keledi.
Jylandy mektebinde robottehnıka zerthanasynyń ashylýyna demeýshilik kórsetip, aýyl balalaryna úlken múmkindik syılaǵan – aýyl azamaty, mesenat Baýyrjan Keńesbekuly. Mundaı demeý men qoldaý qabiletti balalardyń jańa jetistikterge jetýine úlken serpin berip otyr.
Osylaısha, Halyqaralyq jarysta WATER7 komandasy quramyndaǵy 11 oqýshy jarys alańynda qazaqtyń qara dombyrasymen kúı shertip, Kók baıraǵymyzdy jelbiretti.
ALMATY