Qazir Petropavl qalasynda 125 qylmysker aıaǵyna salynǵan bilezikpen júr. Elektrondy bilezik arqyly polısııa onyń qaıda júrgenin baqylap otyrady. Bulardyń quqy men bostandyǵyn shekteý jazasy sot arqyly belgilengen, al bilezik olardyń bostandyqta júrýdegi tártibin baqylaıdy. Qylmyskerlerdiń kóbi ózderin túrmege jappaı osyndaı jaza bergenine tipti qýana kelisken, dep jazady Egemen.kz.
Elektrondy bilezik arqyly ınspektorlar qylmyskerdiń úıi men ruqsat etilgen turaǵynan alysqa ketkenin nemese basqa eldi mekenge barǵanyn birden bilip, jazbasha eskertý beredi. Eger tártip buzý qaıtalana berse – qylmyskerdiń bostandyǵyn shekteý basqa rejimge aýystyrylyp, túrmege jabylady nemese zonaǵa jiberiledi. QAJD SQO boıynsha aǵa ınspektory Ásem Ǵabdýllınanyń aıtýyna qaraǵanda jyl basynan beri bilezik arqyly 51 tártip buzý faktileri anyqtalypty.
Petropavl