2026 jyly Taraz qalasynda «Halyq qatysatyn bıýdjet» jobasy aıasynda 4 joba júzege asyrylady. Atalǵan jobany iske asyrý maqsatynda, qala turǵyndarynyń bastamalary men usynystary negizinde, qalany abattandyrý men damytýǵa baǵyttalǵan joba-ótinimder Taraz qalasy ákimdiginiń resmı saıtyndaǵy «Halyq qatysatyn bıýdjet» elektrondyq paraqshasy arqyly qabyldandy, dep habarlaıdy Egemen.kz.
Taraz qalasy ákimdigi ekonomıka jáne bıýdjetti josparlaý bóliminiń basshysy Jandos Ordabaevtyń aıtýynsha, buǵan deıin de birneshe mańyzdy joba iske asqan:
2022 jyly jeńimpaz: Tóle bı kóshesi 11a jataqhana aýlasyna balalar oıyn alańshasy, 2023 jyly jeńimpaz: Uly Dala 15 móltek aýdany Túıte kanalyn abattandyrý, 2024 jyldyń qortyndysymen jeńimpaz Rahımov kóshesi, №50-52 úıdyń mańynda balalar oıyn alańyn salý jáne Baızaq batyra kóshesi, № 207a úıdyń mańynda balalar oıyn alańyn qaıta jańǵyrtý qolǵa alynady, dedi ol.
Al 2025 jylǵa kelip túsken 17 joba usynysy saraptamalyq keńeste qaralyp, talaptarǵa saı keletin jobalar ashyq onlaın daýys berý úshin ákimdiktiń resmı ınternet-resýrsyna ornalastyrylǵan.
Qala turǵyny Áset Lesbaı bul jobanyń turǵyndarmen tikeleı baılanysty arttyrǵanyn atap ótti:
– Halyq qatysatyn jobanyń artyqshylyǵy – kez kelgen azamat óz bastamasyn usyna alady, daýys berý prosesi de ashyq ári qoljetimdi. Jobanyń ǵumyry uzaq bolyp, qalamyz odan ári kórkeıe bersin, – dedi ol.
Saraptamalyq keńestiń qorytyndysy jáne turǵyndardyń onlaın daýys berý nátıjeleri negizinde 2025 jyly iske asyrylatyn jobalar tómendegideı bolyp bekitildi:Saraptamalyq keńestiń qorytyndysy jáne turǵyndardyń onlaın daýys berý nátıjeleri negizinde 2025 jyly iske asyrylatyn jobalar tómendegideı bolyp bekitildi:
Jambyl dańǵyly, №16/3 úıdiń mańynda balalar oıyn jáne kóshe trenajer alańyn salý; Ońtústik kóshesine fýtbol alańshasyn ornatý; «Asa» shaǵyn aýdany, №10 úı aldyna balalar oıyn alańyn ornatyp, abattandyrý jumystaryn júrgizý; «Astana» shaǵyn aýdany, №9, 10, 11, 12 jáne 30-úılerdiń aýlalaryna fýtbol jáne jattyǵý alańdaryn salý.
Araılym MYRZAHAN, EUÝ 2 kýrs stýdenti