Eńbek jáne áleýmettik qorǵaý mınıstrligi 1 mamyrdaǵy esep boıynsha 43,4 myń otbasyndaǵy 232,5 myń adamǵa 10,4 mlrd somasyna ataýly áleýmettik kómek taǵaıyndalǵanyn málimdedi, dep jazady Egemen.kz.
Osy maqsatqa bıýdjetten 132,9 mlrd teńge qarastyrylǵan. Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha mansap ortalyǵynda, aýyl okrýginiń ákimdiginde, sondaı-aq elektrondyq úkimet portaly (egov.kz) arqyly bere alady.
AÁK taǵaıyndaý:
tabysy kedeılik sheginen aspaıtyn azamattarǵa toqsan saıyn áleýmettik kómek taǵaıyndaý; tabysy az otbasylardaǵy 1 jas pen 6 jas aralyǵyndaǵy ár balaǵa 1,5 AEK mólsherinde aı saıynǵy qosymsha tólem berý. 2025 jylǵy 1 mamyrǵa AÁK alýshylar qatarynan mektep jasyna deıingi 74,4 myń balaǵa 1,4 mlrd teńge somasyna qosymsha tólem taǵaıyndalǵan; jumysqa ornalastyrý, óz isin ashýǵa nıetti otbasylarǵa granttar berý, biliktilikti arttyrý kýrstaryna jiberý (qajet bolǵan jaǵdaıda) jáne basqalar arqyly jumyspen qamtýǵa járdemdesýdi kózdeıdi.Aıta keteıik, AÁK taǵaıyndaýdyń negizgi maqsaty – aqshalaı tólem túrinde qoldaýdy júzege asyrý jáne otbasynyń eńbekke qabiletti múshelerin jumyspen qamtýǵa járdemdesýdiń belsendi sharalaryna tartý arqyly otbasyn qıyn ómirlik jaǵdaıdan shyǵarý.