Túrkistan oblysy Jetisaı aýdanyndaǵy avtogaz quıý beketinde eki adam qaza bolǵan edi, dep jazady Egemen.kz.
Aýdan soty isti qarap, janar jaǵar maı avtogaz quıý beketinde órt qaýipsizdik talaptarynyń erejeleri saqtalmaǵanyn anyqtady. Saldarynan bekette turǵan eki adam órtke kúıip, ómirden ótken.
Sot talqylaýy barysynda memlekettik aıyptaýshy oqys oqıǵaǵa sottalýshylardyń kináli ekenin dáleldedi.
Nátıjesinde sot «JOL YRYSY» JShS-niń júrgizýshisi jáne onyń basqarýshy dırektoryna árqaısysyn 5 jyldan bas bostandyǵynan aıyrý jazalaryn taǵaıyndady. Keltirilgen moraldyq jáne materıaldyq shyǵyn ishinara ótelgen. Sot úkimi zańdy kúshine engen joq.