Almaty oblysy prokýratýrasy ınternet-alaıaqtyqtarǵa qarsy iri onlaın-platformalarmen birikken. Osy baǵytta Krisha.kz, Kolesa.kz, OLX.kz-ten 5 myńnan astam alaıaqtyq habarlamany buǵattap, taǵy 7 myń akkaýntty tekserýge alǵan, dep jazady Egemen.kz.
Alaıaqtyq jasalatyn akkaýnttardyń basym bóligi Almaty qalasy men oblysynda páterlerdi táýliktik jalǵa berý, jyljymaıtyn múlikti satý, avtokólikterdi ádeıi tómen baǵamen satý jáne shetelden avtokólik bólshekterin jetkizýmen baılanysty bolǵan. Alaıaqtar, ádette, ózderine tıesili emes obektilerdiń jalǵan fotosýretterin paıdalanyp jaldaý úshin aldyn ala tólem talap etken. Prokýratýra men marketpleısterdiń birlesken jumysy sıfrlyq ortadaǵy qylmystarǵa qarsy memlekettik organdar men jeke sektor arasyndaǵy ózara is-qımyldyń tıimdi algorıtmin qalyptastyrýǵa yqpal etken.