Qytaıdyń ońtústik óńirlerinde tolassyz jaýǵan jańbyr sý tasqynyna ulasyp, Gýansı-Chjýan avtonomııalyq aýdanynda keminde alty adamnyń ómirin jalmap, taǵy eki turǵyn iz-túzsiz joǵalǵan, dep habarlaıdy Egemen.kz.
Eldiń Ulttyq meteorologııalyq ortalyǵynyń habarlaýynsha, aýa raıynyń kúrt nasharlaýy ásirese Gýandýn provınsııasyndaǵy Gýanchjoý men Shenchjen qalalaryn qıyn jaǵdaıǵa dýshar etken. 700-den astam áýe reısi keıinge shegerilip, múlde toqtatylǵan.
Meteorologtar 27–29 mamyr aralyǵynda Qytaıdyń ońtústiginde 2025 jyldyń basynan bergi eń kúshti jaýyn-shashyn bolady dep boljap otyr. Tabıǵı apattardyń qaýpi joǵary deńgeıde qalady.
Soǵan baılanysty jeksenbi kúni bılik Iýnnan provınsııasynda sý tasqynyna baılanysty «kógildir» eskertý deńgeıin jarııalaǵan.