Shymkent qalasynan Eýropa men Azııanyń alty eline tikeleı halyqaralyq áýe reısteri ashyldy. Saltanatty shara Memleket basshysy Qasym-Jomart Toqaevtyń áýejaı ınfraqurylymyn damytý jáne aerohabtar jelisin keńeıtý jónindegi tapsyrmasyn oryndaý aıasynda iske asyrylǵan, dep habarlaıdy Egemen.kz.
Kólik mınıstrliginiń habarlaýynsha, reıster Boeing 737 tıpti áýe kemelerinde oryndalady.
27 mamyrdan bastap Shymkent-Mıýnhen baǵytyndaǵy áýe reısi aptasyna 2 ret seısenbi jáne beısenbi kúnderi; Shymkent-Býdapesht baǵyty aptasyna 2 ret seısenbi jáne senbi kúnderi; 29 mamyrdan bastap Shymkent-Shanhaı baǵyty aptasyna 2 ret dúısenbi jáne beısenbi kúnderi; Shymkent-Seýl reısi aptasyna 2 ret dúısenbi jáne beısenbi kúnderi, al Shymkent-Kaır reısi ár beısenbi saıyn; 24 maýsymnan bastap Shymkent-Kaır reısi aptasyna 2 ret dúısenbi jáne beısenbi kúnderi; 2 shildeden bastap Shymkent-Sıan áýe reısi iske qosylyp, sársenbi jáne senbi kúnderi aptasyna 2 ret; 4 shildeden bastap Shymkent-Úrimshi reısi aptasyna 2 ret seısenbi jáne juma kúnderi júzege asady.Is-sharaǵa QR Kólik mınıstrliginiń Azamattyq avıasııa komıtetiniń tóraıymy Saltanat Tompıeva, SCAT áýe kompanııasynyń prezıdenti Vladımır Denısov, Shymkent qalasynyń týrızm basqarmasynyń basshysy Beksultan Ádilhanov, sondaı-aq Vengrııa, Germanııa, QHR, Ońtústik Koreıa jáne Egıpet elshilikteriniń ókilderi qatysqan.
Esterińizge sala keteıik, Shymkent áýejaıynyń jańa termınaly 2024 jyldyń 25 jeltoqsanynda ashyldy. Sonymen qatar, perron men turaq oryndary jańartylyp, vokzal mańy ınfraqurylymy jetildirilgen.