Memlekettik keńesshi Erlan Qarınniń tóraǵalyq etýimen QR Prezıdentiniń janyndaǵy Azamattyq máseleleri jónindegi komıssııanyń kezekti otyrysy ótti. Jıynda Qazaqstan azamattyǵyna qabyldaý jáne odan shyǵarý máseleleri qaraldy, dep habarlaıdy Egemen.kz Aqordanyń baspasóz qyzmetine silteme jasap.
Otyrysta Erlan Qarın sońǵy alty jylda elimizdiń azamattyǵynan bas tartqan adamdardyń sany turaqty túrde azaıyp kele jatqanyn atap ótti.
Mysaly, 2019 jyly 1,7 myń adam azamattyqtan bas tartsa, 2020 jyly – 944, 2021 jyly – 123, 2022 jyly – 114, 2023 jyly – 107, al 2024 jyly 77 adam azamattyqtan shyqqan.
Memlekettik keńesshi bul kórsetkishterdiń Qazaqstan azamattyǵy ınstıtýtynyń abyroıy men tartymdylyǵy artyp kele jatqanyn, sonymen qatar el halqynyń bolashaqqa degen senimi nyǵaıǵanyn bildiretinin aıtty.