Jetisý oblysynyń 33 jáne 34 jastaǵy turǵyndary Qytaı azamatyna tıesili kólikti Grýzııaǵa jetkizip beremiz degen syltaýmen ıemdenip, satyp jibergen, dep jazady Egemen.kz.
Olar jalpy 13 avtokólikti ıemdenip, jalpy somasy 314 mıllıon teńgeden astam materıaldyq shyǵyn keltirgen.
Alaıaqtardyń alǵashqy qurbany – Qytaı azamaty bolǵan. Olar bul azamatqa avtokólikterin Grýzııaǵa jetkizip beremiz dep ýáde berip, nátıjesinde alty kóligin alyp ketken. Keıinnen Jetour (úsh avtokólik), Mercedes C260, Mercedes C260L jáne Mercedes GLC 260L kólikterin Shymkent pen Jambyl oblysyna jetkizip, tanystaryna satqan.
Qylmystyq top quryǵyna kelesi rette jeke kásipkerlerdi túsirgen. Bul joly olar jeti kólikti Belarýs eline jetkizip berýge ýáde etken. Bes kólik Jambyl oblysyna jetkizilip, alaıaqtardyń ortaq tanysyna satylsa, qalǵan Range Rover men Mini Cooper SE Almatyda arzan baǵamen ótkizilgen.Qazirgi tańda alaıaqtyq faktisi boıynsha qylmystyq is sotqa joldanyp, kúdiktiler qamaýǵa alynǵan.