Aktóbe oblysy, Hromtaý aýdany – «Bolashaq» shahtasynyń óndirý blogynda aýa ortasynyń qysqa merzimdi tutanýy saldarynan úsh jumysshy kúıik alǵan, dep habarlaıdy Egemen.kz kásiporynnyń baspasóz qyzmetine silteme jasap.
Oqıǵa qurylys jumystaryn júrgizip jatqan kezekshi elektr sheberleri arasynda bolǵan. Úsh qyzmetker beti men qolynan aýyr kúıik jaraqattaryn alyp, jedel túrde Hromtaý aýdandyq ortalyq aýrýhanasyna jetkizildi. Qazir olarǵa qajetti medısınalyq kómek kórsetilip jatyr.
Kásiporyn baspasóz qyzmetiniń málimetinshe, jaralanǵan qyzmetkerlerdiń jaǵdaıy baqylaýda jáne jetekshi dárigerler men týǵan-týystarymen turaqty baılanys ornatylǵan.
Oqıǵanyń sebebi men naqty jaǵdaıy anyqtalyp jatyr.
Janel TО́LEÝBEKOVA, EUÝ stýdenti