Qazaqstannyń erler arasyndaǵy ekinshi raketkasy Aleksandr Shevchenko Fransııada ótip jatqan «Rolan Garros» týrnıriniń alǵashqy aınalymynda jeńiske jetti, dep habarlaıdy Egemen.kz.
Álemdik reıtıngte 103-orynda turǵan Shevchenko negizgi jarysqa «lakı lýzer» retinde qosylǵan edi — ıaǵnı, basqa sportshynyń bas tartýyna baılanysty múmkindik alǵan. Alǵashqy aınalymda ol serbııalyq Dýshan Laıovıchpen (125-oryn) kezdesip, úsh setke sozylǵan oıynda jeńiske jetti — 6:2, 6:4, 7:6 (7:4).
Kezdesý eki saǵat 16 mınýtqa sozyldy. Osy ýaqyt ishinde Shevchenko úsh eıs jasap, úsh qos qatelik jiberdi. Sondaı-aq, ol segiz breık-poınttyń beseýin sátti paıdalandy.
Ekinshi aınalymda Shevchenko amerıkalyq Itak Kýınn men bolgarııalyq Grıgor Dmıtrıev arasyndaǵy kezdesýdiń jeńimpazymen synǵa túsedi.
Janel TО́LEÝBEKOVA, EUÝ stýdenti